Një alarm fals për bombë ka shkaktuar shqetësim te autoritetet vendase pas një mesazhi kërcënues që mbërriti në e-mailin e Ambasadës së Ukrainës. Në mesazh thuhej se në ambientet e ambasadës ishte vendosur një bombë. Shërbimet e Policisë dhe Njësia Antieksploziv reaguan menjëherë, duke evakuuar stafin dhe duke kryer kontrolle të detajuara në vendngjarje.

Pas verifikimeve, rezultoi se ky ishte një email i rremë dhe nuk u gjet asnjë mjet shpërthyes. Policia njoftoi se strukturat e Antiterrorit dhe Hetimit të Krimit Kibernetik po bashkëpunojnë me stafin e ambasadës për të hetuar rrethanat dhe për të identifikuar autorët e këtij alarmi të rremë.