Deputeti i Partisë së Lirisë, Petrit Vasili, ka bërë thirrje që ambasadorët e dekoruar nga Kryeministri Edi Rama në vitin 2018 të kthejnë mbrapsht dekoratat e marra, duke i quajtur ato si pjesë e një mashtrimi. Sipas Vasilit, këto dekorata u dhanë për një proces të hapjes së negociatave me Bashkimin Evropian, i cili në atë kohë nuk kishte ndodhur.

Në një postim në Facebook, Vasili e konsideron këtë veprim si një mashtrim të Kryeministrit Rama, duke shtuar se është qesharak dhe i dhimbshëm që u festua për një ngjarje që nuk kishte ndodhur. Ai u bëri thirrje ambasadorëve që, nëse kanë respekt për veten, duhet t’i kthejnë mbrapsht dekoratat për këtë “mashtrim publik.”

Postimi i Vasilit:
Ambasadorët të kthejne dekoratat e mashtrimit të Ramës!
Edi Rama gjashtë vjet më parë ne 29 qershor 2018 dekoroi katër ambasadorë shqiptarë për punën e tyte të mirë sepse gjoja u hapën negociatat.

Ndërsa sot në tetor 2024 po ky Edi Rama po na thotë që sapo u hapën negociatat.
Ambasadorët në se kanë një minimum respekti për veten e tyre, pasi u bënë qesharakë gjer në dhimbje, duhet t’ia kthejnë sot mbrapsht Edi Ramës dekoratat mashtruese për një hapje negociatash, që nuk kishte ndodhur fare dhe për mashtrimin publik, që ju bë shqiptarëve.
A do ta bëjnë vallë ambasadorët?
Sigurisht që jo!
.