Sot, më 16 tetor, në orën 18:00 (12:00 me orën shqiptare), shqiptarët e Amerikës do të mblidhen në Michigan për të treguar mbështetjen e tyre ndaj ish-presidentit Donald Trump. Këngëtarja shqiptare Bleona Qereti, e cila ka postuar disa foto përkrah Trump-it, është një nga mbështetëset kryesore të këtij eventi.
Në postimin e saj, Bleona u ka bërë thirrje të gjithë shqiptarëve që të marrin pjesë në këtë event Shqiptaro-Amerikan, për të mbështetur Donald Trump në zgjedhjet e ardhshme të nëntorit. “Ky është momenti ynë për t’u bashkuar, për të aktivizuar lëvizjen dhe për të siguruar që Michigan të kthehet në KUQ për Presidentin Trump!”, ka shkruar ajo.
