Përplasjet e fundit në Parlamentin e Shqipërisë, mes deputetëve të Partisë Demokratike (PD) dhe Gardës së Republikës, ku u përfshi edhe FNSH-ja (Forcat e Ndërhyrjes së Shpejtë), u trajtuan në një studio televizive me deputetin Luan Baçi dhe analistin Poli Hoxha.

Luan Baçi sqaroi detajet e incidentit, duke pretenduar se një prej anëtarëve të FNSH-së nxori armën gjatë përplasjes. Sipas tij, “FNSH-ja ndodhej brenda territorit të Parlamentit, gjë që për mua është e qartë se në parlament nuk funksionon rregullorja, por urdhrat verbalë me telefon.” Ai përshkroi situatën si “e paprecedentë”, duke shtuar se deputetët “kishin ikur për të dalë tek dera e jashtme, por aty ishte Garda dhe FNSH-ja, që e kishin zënë derën dhe nuk na linin.”

Ai vazhdoi duke treguar se “u kthyem prapa dhe menjëherë na rrethuan forcat e FNSH-së. Nga njëra anë ishin policët dhe gardistët, dhe nga ana tjetër FNSH-ja.” Baçi përshkroi një moment tensioni kur një polic përballë tij nxori armën dhe i tha “kujdes,” duke hapur xhaketën si një kauboj.

“Një këshillë, shikojeni me kujdes. Jepni dy fotot, të parën dhe pastaj të dytën. Në të parën është një këllëf pistolete; te e dyta është spraj. Ishte me këllëf pistolete atje,” tha ai. Deputeti kritikoi veprimet e policisë, duke i quajtur “mashtrim” dhe duke theksuar se “kjo situatë ka kaluar kufijtë e paligjshmërisë.”

Analisti Poli Hoxha shprehu dyshime për praninë e armës në incident. “Pikë së pari, është skandaloze futja e FNSH-së kur pamë një situatë që nuk kërkonte forca speciale