Një 62-vjeçar është arrestuar në Ersekë nën akuzën e tentativës për përdhunim. Policia njofton se shtetasi A. P., banues në fshatin Psar, është kapur në flagrancë për shkak se dyshohet se ka thyer xhamin e banesës së një 75-vjeçareje dhe ka tentuar ta përdhunojë.

Sipas njoftimit të policisë, ngjarja ndodhi natën e kaluar, kur 62-vjeçari ka hyrë në banesën e të moshuarës nga dritarja, teksa ajo po flinte. Dëshmia e 75-vjeçares është zbardhur pas incidentit dhe ajo ka treguar se ishte zgjuar nga zhurma e xhamit që thyhej. “U fut nga dritarja në orën 2:30 të natës, kur unë isha në gjumë. Më theu dritaren e dhomës së gjumit. Tentoi të futej nga dritarja tjetër e shtëpisë, por nuk ja doli dot dhe hyri nga dhoma e gjumit,” shprehet ajo.

E moshuara ka treguar se kur u zgjuan, e pa një njeri që i qëndronte para. “Ishte djali i kunatit, e kemi nipin e shtëpisë. Nuk u besoja syve. Ai thërriste, më thoshte fjalë të pista, tentoi të më kapë, por unë gjeta fuqinë, e kam kundërshtuar, kam luftuar e vetme,” tha ajo, duke shtuar se ndihmoi veten për të kundërshtuar sulmin.

Pas përballjes me agresorin, 75-vjeçarja përjetoi një situatë të tmerrshme, pasi jeton vetëm në shtëpi. “E nxora jashtë dhe në atë moment mora motrën në telefon. Më pas, motra lajmëron vëllain dhe ky i fundit vjen në shtëpi. Ja shpjegoj situatën dhe më pas lajmëruam policinë,” tha ajo, duke shprehur ndjenjën e frikës dhe izolimit për shkak të situatës së saj të jetesës.

Policia ka nisur hetimet për të zbardhur plotësisht ngjarjen dhe për të marrë masat e nevojshme ligjore ndaj autorit.