Deklaratë e Fortë nga Tedi Blushi për Arrestimin e Ish-Kryeministrit Ilir Meta

“Dënojmë me ashpërsinë më të madhe këtë akt të paprecedent terrorist. Sot, në bashkëpunim me forcat kriminale nën uniformë, u krye një nga krimet më të rënda në Republikën e Shqipërisë, duke rrëmbyer ish-kryeministrin, ish-kryetarin e Kuvendit dhe ish-Presidentin.

Pavarësisht se ishte nën mbrojtjen e Gardës dhe gëzonte imunitet, ai u tradhtua edhe nga këta të fundit dhe u rrëmbye nga dhjetëra kriminelë me uniformë. Ky akt përfaqëson një sulm të drejtpërdrejtë jo vetëm ndaj tij, por ndaj të gjithë shqiptarëve të ndershëm.

Ata që kanë kryer këtë akt kanë marrë përsipër një detyrë që mund të realizohet vetëm nga banditë dhe kriminelë. Më e rëndë akoma është dhuna fizike që është ushtruar mbi të, një akt që duket se synon të kënaqë egon e Edi Ramës.”