Një 35-vjeçar ka përfunduar në spital për ndihmë mjekësore pas një aksidenti rrugor në Shkodër. Sipas raportimit të policisë, një 41-vjeçar që drejtonte një automjet ka përplasur një biçikletë që drejtohej nga 35-vjeçari. Aksidenti ndodhi në aksin rrugor “Shkodër-Koplik”.

Në njoftimin zyrtar, policia bën me dije se 35-vjeçari është dërguar në spital dhe ndodhet jashtë rrezikut për jetën. Ndërkohë, grupi hetimor po vijon punën për të sqaruar rrethanat e aksidentit.