Artemis Peca, dëshmitari okular dhe sekretari organizativ i Partisë së Lirisë, ka rrëfyer detaje nga momenti i arrestimit të Ilir Metës, presidenti i Partisë së Lirisë. Sipas Pecës, Meta nuk bëri rezistencë gjatë arrestimit, por kërkoi qetësisht mandatin e arrestit nga forcat e policisë. Megjithatë, ai u nxor me forcë nga mjeti.

Në deklaratën e tij, Peca theksoi: “Zoti Meta nuk kishte asnjë tjetër me vete dhe as eskortë. Ai nuk është frikacak. Nuk pati asnjë rezistencë, përkundrazi, u tregua shumë i sjellshëm. U kërkoi mandatin e arrestit, por ata në asnjë moment nuk e dëgjonin. Vetëm e tërhiqnin me forcë.”

I pyetur për mungesën e truprojave ose Gardës, Peca tha: “Meta nuk ka kryer asnjë krim dhe nuk ka patur frikë. Garda nuk ishte e pranishme sepse nuk kishte dijeni për vendndodhjen e ish-presidentit të Republikës.”