Një 64-vjeçar është plagosur në një aksident automobilistik në Sarandë paraditen e së mërkurës. Ngjarja ndodhi rreth orës 10:20 në lagjen nr. 1, ku shtetasja V. Sh., 52 vjeçe, duke drejtuar një automjet tip “Citroen”, aksidentoi këmbësorin N. B., 64 vjeç.

I plagosuri po transportohet në Spitalin e Traumës për trajtim mjekësor, ndërsa drejtuesja e automjetit është shoqëruar në komisariat për të dhënë shpjegime. Grupi hetimor po heton rrethanat e aksidentit.