Kryeministri Edi Rama ka paralajmëruar se qeveria do të marrë masa drastike ndaj çdo biznesi të vogël që nuk përmbush obligimet e tij për sigurimet shoqërore. Ai theksoi se, në rast se këto biznese vazhdojnë të shmangin pagesat, mund të përballen me mbylljen e aktivitetit të tyre.

“Do marrim masa drastike për çdo biznes të vogël që nuk paguan sigurime shoqërore, deri më mbyllje të aktivitetit. Të gjitha të tjerat mund t’i diskutojmë, edhe taksat. Ka një sistem të marrëveshjeve, jo debia, jo borxhet, hajde bëjmë një ristrukturim. Taksat mund të diskutohen”, u shpreh Rama.

Ai gjithashtu nënvizoi se Republika e Shqipërisë nuk ka një sistem të ngjashëm për sigurimet shoqërore, duke theksuar se ka një numër të konsiderueshëm biznesesh që figurojnë si debitorë ndaj pensionistëve. Kryeministri shprehu angazhimin e qeverisë për të studiuar këtë çështje, në mënyrë që të mos përdoret si një pengesë për procesin e formalizimit të ekonomisë.