Monika Kryemadhi, pas përfundimit të seancës në GJKKO, ku u vendos masa e “detyrimit me paraqitje” për të dhe “arrest në burg” për Ilir Metën, ka folur për mediat duke shprehur pakënaqësinë e saj. Kryemadhi sulmoi avokatin e Metës, Genc Gjokutaj, për mënyrën se si ai e menaxhoi mbrojtjen e Metës.

Ajo u shpreh se Gjokutaj duhej të kishte kërkuar masën e “arrest me burg” për të dhe jo për Metën. “Sapo i thashë Gjokutajt: je avokat jo serioz, duhet të kërkoje detyrim paraqitje për Metën, arrest me burg për mua,” tha Kryemadhi para gazetarëve, duke sugjeruar se vendimi duhet të ishte ndryshe për të dhe bashkëshortin e saj.