Kryeministri Edi Rama ka udhëtuar drejt Shteteve të Bashkuara për një takim elektoral me diasporën shqiptare dhe simpatizantët e Partisë Socialiste, në kuadër të fushatës zgjedhore. Sipas burimeve të gazetës Sot, kryeministri ka marrë me vete një grup të madh patronazhistësh dhe funksionarësh publikë për të mbushur sallën e takimit në New York. Përveç pjesës administrative, kryeministri shqiptar ka udhëtuar me familjen e tij, përfshirë bashkëshorten Linda, djalin Zaho dhe vajzën e Lindës, Rea.

Kjo vizitë në New York është veçuar për koston e lartë të saj, ku shpenzimet e raportuara janë të konsiderueshme dhe të diskutueshme sa i përket financuesve që mund të jenë përfshirë. Një nga shpenzimet e përmendura lidhet me pjesëmarrjen e kryeministrit dhe fëmijëve në një ndeshje basketbolli, ku bileta e secilit arrinte në 10 mijë dollarë – një kosto që përkon me të ardhurat vjetore të një zyrtari të thjeshtë shqiptar.

Ndërkohë që në Shqipëri po zhvillohen hetime për pasurinë e zyrtarëve të lartë, siç është dhe rasti i çiftit Kryemadhi-Meta, që dyshohet për pastrim parash, kryeministri Rama duket se ka qasje të qetë ndaj këtyre shpenzimeve të mëdha. Shtrohet pyetja pse këto takime elektorale jashtë vendit duhet të mbulohen nga fondet publike, ndërkohë që përfitimet janë në interes partiak.

Shpenzimet e larta të raportuara gjatë kësaj vizite kanë shkaktuar shqetësime, veçanërisht për faktin që një pensionist në Shqipëri merr një pension mujor prej 100 dollarësh, ndërkohë që një natë e vetme e shpenzimeve të udhëtimit të kryeministrit përkon me pensionin mujor të rreth 300 pensionistëve. SpaK, si struktura përkatëse për hetimet e këtij lloji, mund të ndërhyjë për të vlerësuar transparencën e shpenzimeve dhe financimit të takimeve të tilla.