Ministria e Jashtme greke ka shprehur shqetësimin e saj për incidentet ndaj eurodeputetit grek Fredi Beleri gjatë vizitës së tij në Tiranë. Beleri, i cili u prit me vezë dhe kos nga disa qytetarë, përballet gjithashtu me anulimin e një takimi nga kryeministri Edi Rama dhe pengesa për të hyrë në Kuvendin e Shqipërisë.

Në një deklaratë, Ministria greke dënon incidentet dhe kërkon që autoritetet shqiptare të sigurojnë një ambient të sigurt për eurodeputetët. “Autoritetet shqiptare duhet të marrin masat e nevojshme për të garantuar sigurinë e eurodeputetëve dhe të sigurojnë që ata të ushtrojnë detyrat e tyre pa pengesa,” thuhet në deklaratë.

Mediat greke kanë reflektuar gjerësisht mbi ngjarjen, duke kritikuar ashpër qëndrimin e kryeministrit Rama, i cili anuloi takimin me delegacionin e Parlamentit Europian, me argumentin se praninë e Belerit nuk e pranoi. Ata e cilësojnë këtë një precedent të paprecedent në marrëdhëniet Shqipëri-BE.

“Për herë të parë në analet e vendit të tij, Rama nuk pranoi të mirëpresë një delegacion eurodeputetësh. Një komitet, në fakt, përgjegjësia e të cilit është të kontrollojë nëse Shqipëria i plotëson kushtet për t’u anëtarësuar në Bashkimin Evropian.

Sigurisht që “kafshimet” që Edi Rama i rezervoi eurodeputetit të Demokracisë së Re nuk u ndalën këtu. Në veçanti, siç raportojnë burime pranë zotit Beleris , kur ai tentoi të hynte në Kuvendin e Shqipërisë, në kuadër të vizitës zyrtare të delegacionit të Parlamentit Europian, të dërguarit… nuk ia hapën derën!
Në të njëjtën kohë, Fredi Beleris nuk ka pritur një pritje të ngrohtë as në rrugët e Tiranës, i cili është sulmuar verbalisht nga një qytetar teksa po shkonte drejt parlamentit”, shkruajnë mediat greke.