Mbrëmja e djeshme e “Big Brother VIP Kosova 3” ishte e mbushur me tension dhe debate mes banorëve. Një nga momentet më të komentuar ishte përplasja verbale mes opinionistes Olta Gixhari dhe Rezart Veleshnjës.

Olta, e njohur për qasjen e saj të drejtpërdrejtë, kritikoi ashpër sjelljen dhe fjalorin e Rezartit, duke e quajtur atë “mashtrues” dhe duke vënë në dukje mungesën e ndjeshmërisë së tij ndaj çështjeve delikate si depresioni. Ajo shprehu indinjatë për faktin se Rezarti kishte kaluar kufirin duke tallur problemet e shëndetit mendor të dikujt tjetër, duke theksuar se kjo ishte një sjellje e papranueshme.

“Ça bën tjetër ti Rezart? Përveçse i thua njerëzve gjithë kohën je i sëmurë, ti nuk merr vesh, ça janë këto fjali që përdor ti?! Këto janë tema shumë delikate dhe ka vërtet njerëz që vuajnë nga sëmundjet mendore, nga depresioni aty jashtë dhe mezi ia dalin çdo ditë. Ti rri aty brenda e tall b*thën, s’ke turp!”, tha Olta, duke iu referuar një debati të mëparshëm që Rezarti kishte pasur me aktorin tjetër, Besfort Daka.

Rezarti nuk qëndroi i heshtur dhe iu kundërpërgjigj Oltës duke përmendur disa situata nga e kaluara e saj, duke theksuar se e njeh prej kohësh, pasi kishin qenë bashkë në shkollë.

“Je mashtrues i paparë, e para për që je mashtrues është problem i yti, por që ti të tallesh me depresionin e dikujt, këtë nuk ta fal dot”, u shpreh Olta, ndërsa debati vazhdoi me tone të larta.

Kjo përplasje e tensionuar ka tërhequr vëmendjen e shikuesve dhe ka bërë që situata mes banorëve të jetë në qendër të diskutimeve për këtë edicion të “Big Brother VIP Kosova”.