Reperi i njohur Stresi është vetëdorëzuar sot në orën 09:00 në stacionin e policisë së Pejës, ku po merret në pyetje për përfshirjen e tij në ngjarjen e ndodhur më 7 gusht në një lokal të Pejës. Në këtë ngjarje, personazhi i njohur i TikTok-ut, Med Iseni, dhe kunati i tij u dhunuan nga reperi Noizy dhe anëtarë të grupit OTR, përfshirë edhe Stresin, gjatë një performancë të planifikuar.

Pas ngjarjes, Stresi u shpall në kërkim nga policia e Kosovës dhe qëndroi në arrati deri në vetëdorëzimin e sotëm. Ai përballet me akuzat për “Ndihmë në kryerjen e veprës penale” dhe “Lëndim trupor.”