Aurora Tila, një vajzë 13-vjeçare, u gjet e vdekur pas një incidenti tragjik që ndodhi në katin e shtatë të pallatit ku jetonte me nënën dhe motrën e saj. Ekpertiza e parë mjeko-ligjore zbuloi shenja të goditjeve në duar, të cilat dyshohet se janë shkaktuar nga ish-i dashuri i saj 15-vjeçar, i akuzuar për vrasjen e saj, duke e shtyrë atë në boshllëk.

Prokuroria për të Mitur në Bolonjë, së bashku me Karabinierët e Piacenza-s, e kanë mbajtur djalin në burg që nga e hëna e kaluar. Ai e ka mohuar përgjegjësinë për vdekjen e Aurorës, duke pretenduar se ajo ra vetë. Megjithatë, dëshmitarët e ngjarjes ofrojnë prova të forta: tre persona kanë raportuar se panë djalin duke e shtyrë Aurorën mbi parmakët dhe duke goditur duar e saj, duke e bërë që ajo të rrëzohej.

Gjyqtari i Gjykatës për të Mitur ka pranuar provat e prokurorisë dhe ka konfirmuar masën e sigurisë për të riun, i cili tani ndodhet në Qendrën e Paraburgimit për të Mitur në Bolonja. Aurora kishte bërë komente për marrëdhënien e saj të dhunshme me të dashurin, duke e quajtur atë “çmenduri” dhe duke i besuar miqve për veprimet posesive të tij.

Hetimet e vazhdueshme përfshijnë analizat e pajisjeve elektronike të sekuestruara, përfshirë celularët e dy të rinjve, që pritet të ofrojnë prova shtesë mbi sjelljen e dhunshme të djalit. Ndërkohë, familja e Aurorës ka denoncuar sjelljen e tij në rrjetet sociale, duke postuar bisedat që ajo kishte zhvilluar për situatën e saj të rrezikshme.

Bashkia e Piacenza-s ka deklaruar se nuk ka pasur asnjë raportim nga familja e Aurorës për sjellje të dhunshme nga ana e 15-vjeçarit, duke ngritur pyetje mbi sistemin e mbrojtjes që mund të kishte parandaluar këtë tragjedi.