Kreu i Grupit Parlamentar të Partisë Demokratike, Gazment Bardhi, akuzoi zëvendëskryeministren Belinda Balluku për korrupsion dhe për ndikim në rritjen e çmimit të energjisë elektrike për qytetarët shqiptarë. Në një postim në rrjetet sociale, Bardhi theksoi se shqiptarët paguajnë çmimin më të lartë të energjisë në rajon, për shkak të “babëzisë” së Ballukut. Ai shtoi se, vetëm nga transaksionet e shit-blerjes së energjisë brenda një viti, janë vjedhur rreth 180 milionë euro.
“Qytetarët e Kosovës, Bosnje-Hercegovinës, Malit të Zi, Maqedonisë së Veriut dhe Serbisë, sipas EUROSTAT, paguajnë më lirë për energjinë elektrike sesa shqiptarët. Ndërkohë, Shqipëria ka burime të shumta natyrore që do të mundësonin një çmim më të ulët,” shkroi Bardhi, duke nënkuptuar se këto burime nuk po shfrytëzohen siç duhet në përfitim të qytetarëve.
