Presidentja e Kosovës, Vjosa Osmani, dhe Sekretari i Përgjithshëm i NATO-s, Mark Rutte, kanë zhvilluar një takim ku kanë diskutuar për situatën e sigurisë në Kosovë dhe për rolin e KFOR-it në ruajtjen e paqes dhe sigurisë në vend. Takimi u zhvillua në kuadër të samitit të Komunitetit Politik Europian në Budapest.
Në një postim në Facebook, Osmani theksoi rëndësinë e kontribuimit të NATO-s dhe KFOR-it për stabilitetin e Kosovës, duke u shprehur e angazhuar për forcimin e mëtejshëm të marrëdhënieve me aleatët ndërkombëtarë për të siguruar një të ardhme të sigurt dhe paqësore për qytetarët e Kosovës.
