Rezart Veleshnja ishte një nga banorët më të komentuar të këtij edicioni të tretë të “Big Brother VIP Kosova,” ndonëse rrugëtimi i tij nuk zgjati shumë, pasi ai u përjashtua përmes një zarfi të zi pas shkeljeve të përsëritura të rregullave dhe një incidenti të fundit me banoren Xheneta Fetahu.

Një tjetër sjellje e Rezartit u komentua disa ditë më parë, këtë herë me banoren Sara Kolami. Gjatë një momenti në oborr, Rezarti dhe Gjesti tentuan ta hidhnin Sarën në pishinë, një veprim që e zemëroi Sarën. Ajo reagoi duke i treguar Rezartit dhe Gjestit limitet e saj dhe se nuk e miratonte një veprim të tillë nga djemtë ndaj saj, veçanërisht pasi ishte një veprim aspak etik që mund ta bënte të ndihej keq dhe të shqetësonte të atin e saj.

Për këtë situatë, Rezarti reagoi nëpërmjet një postimi në InstaStory, duke shpërndarë një video nga një fanpage në të cilën shihet Sara me të brendshme.

Videoja ishte shoqëruar me shkrimin: “Me sa duket brekët s’paska problem me i nxjerrë, apo babi s’ka Instagram vetëm TV, meqë i bëri namin çunave.” Kjo postim ka ngjallur mjaft reagime dhe ka shtuar më tej polemikat rreth sjelljeve të tij në shtëpinë e “Big Brother.”