Sulmuesi i Kombëtares shqiptare, Myrto Uzuni, dhe partnerja e tij, Uarda Hyseni, do të bëhen prindër për herë të parë. 29-vjeçari, i cili është thirrur për të qenë pjesë e skuadrës Kombëtare për dy sfidat e nëntorit, ka ndarë një moment emocionues me partneren e tij në stadiumin “Arena Kombëtare”.

Gjatë një seance të veçantë, pas një goditje të topit nga Uzuni drejt rrjetës, një shpërthim ngjyrash blu pas portës zbulohej se ata do të bëhen prindër të një djali. Ky moment i veçantë emocionoi çiftin, dhe Uzuni, i cili e ndau këtë moment të lumtur me partneren e tij, u shpreh shumë i gëzuar për lajmin.