Mbledhja e Komisionit hetimor për koncesionet në Shëndetësi është ndërprerë sërish pas ngritjes së toneve mes deputetëve. Gjatë fjalës së deputetes së PS-së, Klodiana Spahiu, ndërhyri deputeti i PD-së, Xhelal Mziu, duke shkaktuar tensione të menjëhershme. Spahiu, e zemëruar, ngriti zërin dhe përplasi duar në tavolinë, duke i kërkuar Mziut të mos ndërhyjë në fjalën e saj. Ky moment ka shtuar tensionin, duke bërë që kryetarja e komisionit, Albana Vokshi, të ndërpresë mbledhjen për një pushim të shkurtër.
“Po të lutem, mos më ndërhy, a ka mundësi të mos ndërhysh. E kam me ty personalisht. A ka mundësi të mos ndërhysh? Kryetare, është e disata herë që ai ofendon dhe ndërhyn,” i është drejtuar Spahiu Mziut, duke theksuar tensionin mes të dyve.
