Kryetari i Partisë Demokratike, Sali Berisha, deklaroi gjatë ceremonisë përkujtimore të 80-vjetorit të vrasjes së 39 intelektualëve të Tiranës se “17 nëntori shënon zëvendësimin e një pushtimi të huaj me një pushtim të egër, barbar, të brendshëm, që do të zgjaste jo 1 apo 2 vite, por 46 vite.”

Berisha: “Mirëdita dhe përshëndetje të përzemërta juve, zoti Nredgjoni, drejtues i Unionit të të Përndjekurve Politikë në Shqipëri, dhe falënderime për organizimin e këtij përkujtimi. Një përshëndetje të veçantë familjarëve të viktimave të terrorit të kuq, përfaqësuesve dhe drejtuesve të partive politike dhe të gjithë të pranishmëve.”

Zonja dhe zotërinj,

Sot nderojmë 39 viktimat e masakrës së tetor-nëntorit. Në fakt, numri i tyre është mbi 100. Kjo ishte një nga aktet më të shëmtuara terroriste të regjimit, e projektuar nga të dërguarit e Beogradit dhe realizuar nga përfaqësuesi i tyre në Shqipëri, Enver Hoxha. Ekzekutimi u krye nga terroristë si Kristo Themelko, Beqir Balluku dhe të tjerë.

Heronjtë e kësaj masakre ishin atdhetarë që kishin luftuar kundër pushtuesve, ose ishin qytetarë me ndergjegje të qetë dhe pa motive për të braktisur atdheun dhe për të mos i shërbyer kombit. Ata nuk pajtoheshin me ideologjinë çnjerëzore komuniste dhe ishin pasardhës të familjeve që kishin firmosur pavarësinë dhe kontribuar në ndërtime shtetërore.

Këta trima u vranë në mënyrë mizore, në pragun e shtëpive të tyre, të mbledhur në Bristol, të ekzekutuar në bodrume dhe të hedhur në Priskë. Masakra e tetor-nëntorit ishte makabre. Ata që e kryen e shpallën vetë aktin si terrorist, ndërsa qyteti u përjaku dhe ekzekutimet vazhduan për 46 vite, duke synuar heronj, qëndrestarë, dhe ata që besonin në fjalën e lirë, Zotin dhe Shqipërinë.