Emisioni “Zonë e Lirë”, në kohën e tij, ishte i njohur për stilin pa censurime dhe pa korniza, pikërisht siç e sugjeronte edhe emri i programit. Gjatë shikimit të lirisë që Arjan Çani shfaqte në studio, një pyetje na kalonte të gjithëve në mendje: “Çfarë mendimi ka bashkëshortja e tij?”

Për këtë pyetje, përgjigjja erdhi mbrëmjen e djeshme në emisionin “Mirëmbrëma Yje” me Arbana Osmanin. I pyetur nga kjo e fundit se çfarë perceptimi kishte pasur bashkëshortja e tij gjatë periudhës kur ai bënte ngacmime në ekran, Çani dha një përgjigje që shumë nuk e prisnin.

Pjesë nga intervista:

Arbana Osmani: Çfarë perceptimi kishte bashkëshortja jote, gruaja jote, kur ti kishe këto ngacmime?

Arjan Çani: Kënaqej shumë! Pufi kënaqet shumë me këto gjëra, sepse Pufi mua kështu më ka njohur. Më ka njohur kur punoja në radio. Më kupton? Te “Klani i natës”, në vitin 1997. Kështu Pufi e dinte me kë kishte të bënte.