Një aksident i rëndë ka ndodhur pasditen e sotme në aksin rrugor Ura e Çerenecit-Librazhd, ku një makinë tip fuoristradë ka dalë nga rruga dhe ka rënë në greminë. Si pasojë, drejtuesi i mjetit ka humbur jetën, ndërsa dy pasagjerë kanë mbetur të plagosur.

Sipas njoftimit nga policia lokale e Bulqizës, aksidenti është pikasur fillimisht nga drejtues të tjerë të automjeteve, të cilët kanë lajmëruar menjëherë policinë dhe ambulancën. Forcat e rendit dhe ekipet mjekësore kanë arritur shpejt në vendngjarje dhe kanë mundësuar transportimin e dy të plagosurve në spitalin e Bulqizës. Sipas burimeve nga spitali, të plagosurit ndodhen jashtë rrezikut për jetën.

Policia dhe grupi hetimor kanë nisur menjëherë hetimet për të zbardhur shkaqet e aksidentit dhe për të sqaruar rrethanat e tij.