Një trup i pajetë është gjetur brenda një banese në katin e 8-të të një pallati në lagjen 8 Shkurti, Fier. Trupi i një të moshuari, rreth të 80-ve, u gjet pas një alarmi nga komshinjtë, të cilët kishin humbur kontaktet me të dhe e kishin njoftuar policinë.

Pasi uniformat blu dhe shërbimi zjarrfikës mbërritën në vendngjarje, ata gjetën të moshuarin pa shenja jete. Paraprakisht, dyshohet se vdekja ka ndodhur për shkaqe natyrale, megjithatë, grupi hetimor ka nisur hetimet për të zbardhur plotësisht rrethanat e ngjarjes.