Kurorëzimi i Mbretit Charles, i cili u festua në majin e kaluar, ishte një ngjarje historike që tërhoqi vëmendjen e miliona njerëzve në mbarë botën. Pas festimeve madhështore, është ngritur një pyetje e madhe: sa ka kushtuar realisht ky kurorëzim? Sipas raportimeve të shtypit britanik dhe buxheteve zyrtare, kostoja totale e ceremonisë ishte 72 milionë paund, ose rreth 90 milionë euro.

Nga ky shumën, 50 milionë paund janë shpenzuar nga Ministria Britanike e Kulturës për organizimin e ngjarjes, ndërsa 22 milionë paund janë përdorur për mbulimin e shpenzimeve të sigurisë.

Këto shifra kanë shkaktuar kritika të forta, sidomos në një periudhë të krizës së kostos së jetesës. Një sondazh ka treguar se 52 përqind e britanikëve besojnë se ceremonia nuk duhej të financohej nga taksapaguesit. Megjithatë, qeveria britanike e ka justifikuar shpenzimin duke theksuar se ky ishte një ngjarje unike, e ndjekur nga rreth dy miliardë spektatorë në 125 shtete.