OSHEE ka dërguar 13 grupe pune në terren në qarkun e Korçës për të monitoruar dhe adresuar situatën e furnizimit me energji elektrike, pas stuhive që kanë shkaktuar ndërprerje të shpeshta. Zona malore dhe disa fshatra të fushës së Maliqit dhe Devollit kanë pësuar ndërprerje të energjisë.
Ndërprerje ka pasur gjithashtu në Njësitë administrative në Pogradec dhe Vithkuq, por tashmë energjia është rikthyer. Burime pranë OSHEE kanë deklaruar se ndërprerjet janë mbajtur nën kontroll nga punonjësit e nënstacioneve për të parandaluar situata më të rënda.
Grupet e specializuara të OSHEE-së po vazhdojnë të punojnë në terren për të siguruar stabilitetin e rrjetit elektrik në zonat e prekura. Qytetarëve u bëhet thirrje të raportojnë çdo problematikë në numrat e emergjencës së OSHEE-së për ndërhyrje të shpejtë.
