Në Bulqizë, era e fortë ka shkaktuar dëme të konsiderueshme, duke përfshirë dëmtimin e shumë çative të shtëpive. Gjithashtu, është shkatërruar një pjesë e çatisë së Pallatit të Kulturës së qytetit.

Moti i keq, i shoqëruar me reshje shiu dhe erë të fortë, ka përfshirë pjesën më të madhe të vendit, ku janë raportuar gjithashtu dëme në infrastrukturën rrugore dhe atë energjitike. Autoritetet lokale janë duke monitoruar situatën dhe po punojnë për të adresuar pasojat e krijuara.