Ekipi i nismës “Shqipëria Bëhet,” i drejtuar nga Adriatik Lapaj, ka zhvilluar një sërë takimesh me qytetarët dhe tregtarët në qytetin e Durrësit. Gjatë këtyre takimeve, tregtarët kanë ndarë shqetësimet dhe problematikat që hasin në sektorin e tyre, duke përmendur vështirësitë e përditshme me të cilat përballen në tregtinë e vogël dhe të mesme.

Pjesëmarrësit kanë shprehur interes për bashkëbisedimin masiv që do të organizohet nga “Shqipëria Bëhet” të dielën, më 16:30, në Pallatin e Sportit në Durrës. Ky event pritet të jetë një platformë ku do të diskutohen sfidat ekonomike, shoqërore dhe rrugët e mundshme për përmirësimin e situatës për bizneset dhe qytetarët.

Adriatik Lapaj, i cili prej kohësh njihet për angazhimin e tij për fermerët, blegtorët dhe sektorin privat, u ka bërë thirrje të gjithë qytetarëve dhe palëve të interesuara të marrin pjesë aktivisht në këtë dialog për të ndarë idetë dhe për të propozuar zgjidhje konkrete.