Kryetari i Partisë Demokratike, Sali Berisha, ka kërkuar nga drejtuesit e PD-së një mobilizim të jashtëzakonshëm për protestën e paralajmëruar për datën 26 nëntor, në Tiranë. Gjatë mbledhjes me drejtuesit politikë të qarqeve, Berisha theksoi se ky marshim është një hap i domosdoshëm për të shprehur zemërimin dhe revoltën e qytetarëve ndaj qeverisë. Ai kërkoi që Tiranës të jetë e tëra në duar të qytetarëve dhe jo të qeverisë.

“Protesta e 26 nëntorit është një hap i vonuar, por kërkoj një mobilizim të jashtëzakonshëm. Të gjithë duhet të kontribuojmë që kjo protestë të jetë masive dhe të tregohet se qytetarët janë ata që kontrollojnë qytetin dhe jo qeveria,” tha Berisha. Ai theksoi se koha po kalon dhe qeveria aktuale nuk meriton asnjë minutë tjetër në pushtet, duke bërë thirrje për sulm të qëndrueshëm ndaj saj.