Situata te “Pallati me Shigjeta” është përshkallëzuar gjatë protestës së opozitës, ku një i moshuar ka humbur ndjenjat, ndërsa protestuesit presin mbërritjen e ambulancës për ndihmë mjekësore.

Përfaqësuesi i opozitës, Tedi Blushi, akuzoi forcat e policisë për përdorimin e dhunës ndaj protestuesve, përfshirë gra shtatzëna, të moshuar dhe gazetarë. “Ta harrojnë se do të largohemi nga këto sheshe. Policia të shkojë të gjejë vrasësit në Shkodër. Do jemi këtu deri në orën 8 edhe më mbrapa. Kemi dalë për të protestuar. Nuk ka kthim. Kjo është provë e degradimit të regjimit,” deklaroi ai.

Protesta pritet të zgjasë deri në mbrëmje, me tensionet që vazhdojnë të rriten në disa nga pikat kryesore të Tiranës.