Kreu i Partisë Demokratike, Sali Berisha, ka deklaruar se kryeministri Edi Rama do të pranojë kërkesën e opozitës për formimin e një qeverie teknike. I pyetur nëse ka një plan B përballë një refuzimi nga Rama, Berisha u shpreh me siguri se kryeministri “nuk ka ku të shkojë” dhe se, edhe pse Rama nuk dëshiron, opozita do t’ia imponojë këtë kërkesë.
“Ai nuk ka ku të shkojë, jua them unë. Nuk e do kurrë, por ne do t’ia imponojmë. Tani Shqipëria është bërë e qartë se çfarë është për botën: është narkoshtet, është diktaturë”, theksoi Berisha gjatë një konference për mediat nga selia e PD-së.
