Ajola Xoxa ka reaguar për herë të parë publikisht lidhur me hetimin pasuror nga SPAK, duke mohuar akuzat që e lidhin me çanta luksoze markash të njohura si Hermes dhe Channel. Ajo ka theksuar se nuk ka pasur kurrë asnjë çantë nga këto marka, siç përmendet në dosjen e hetimit.
Megjithatë, disa foto që po qarkullojnë online duken të jenë në kundërshtim me deklaratat e saj. Në një nga këto foto, Xoxa shihet me një çantë Bottega Veneta, një aksesor luksoz që kushton rreth 600£. Fotoja është bërë gjatë dasmës së aktorit të humorit, Gazment Paja, që u mbajt në tarracën e bashkisë së Tiranës.
Kjo ka ngjallur dyshime për përputhshmërinë e deklaratave të Xoxës me imazhet që po qarkullojnë, duke i shtuar më shumë tension hetimeve që po zhvillohen për pasurinë e saj.
