Mediat italiane kanë raportuar se një aksident tragjik ndodhi në orët e para të mëngjesit në Itali, ku humbi jetën 32-vjeçari shqiptar, Endri Sejdi. Viktima, i cili banonte në Alatri, kishte qenë duke udhëtuar me makinë kur ngjarja e rëndë ndodhi rreth orës 3 të mëngjesit në zonën e Supino, konkretisht në Morolense.

Makina e tij, një “Ford Focus”, doli nga rruga, çka rezultoi në aksident fatal. Përveç Endri Sejdës, nga aksidenti janë plagosur edhe tre persona të tjerë që ndodheshin në mjetin e aksidentuar. Të plagosurit janë dërguar menjëherë në spitalin e Frosinone, ku raportohet se ndodhen në gjendje të rëndë. Autoritetet italiane janë duke hetuar rrethanat e aksidentit për të zbardhur shkaqet që çuan në këtë tragjedi.