Bardhi ka komentuar marrëdhënien e tij me menaxherin e tij, e cila është diskutuar gjerësisht në rrjetet sociale. Ka pasur spekulime se Sara, një tjetër konkurrente nga Big Brother, kishte ndikuar në përkeqësimin e marrëdhënies midis Bardhit dhe menaxherit të tij.

Ai shpjegoi se, ndërsa ishin brenda shtëpisë së Big Brother, ai dhe Sara kishin pasur shumë respekt për menaxherin. Pas daljes nga reality show, Bardhi ka parë disa komente negative në lidhje me Sarën që menaxheri kishte bërë në intervista, të cilat e kishin shqetësuar atë.

“Kur dola, normal që u bëra shumë nervoz dhe e pyeta pse e ke bërë këtë. Nuk po them që e ka sharë, por as nuk e ka lavdëruar,” tha ai. Bardhi theksoi se kishin diskutuar për këto çështje dhe se nuk kishte qenë një qëndrim kundër lidhjes së tij me Sarën, por menaxheri kishte dyshime për seriozitetin e tij në marrëdhënie, duke e njohur atë nga më parë si një person që nuk kishte pasur stabilitet në lidhje.

Pas diskutimeve, Bardhi dhe menaxheri kishin arritur të sqarohen dhe të vazhdonin të punonin së bashku. Ai theksoi se Sara nuk ishte përgjegjëse për ndarjen e marrëdhënies me menaxherin. Sipas tij, problemi kishte të bënte me mosmarrëveshje të brendshme dhe çështje financiare që kishin nisur që në vitin 2022.

“Kanë qenë problemet tona dhe ka ardhur një pikë ku i kemi dhënë fund marrëveshjes dhe kemi vazhduar rrugët tona,” përfundoi ai, duke sqaruar se akoma sheh komente që e akuzojnë Sarën për ndarjen, por kjo nuk është e vërtetë.