Aksident i rëndë në aksin Korçë – Pogradec, në afërsi të fshatit Zotilan.
Paraprakisht mësohet se një mjet ka humbur kontrollin dhe ka dalë nga rruga duke përfunduar jashtë saj.
Raportohet për një të plagosur në gjendje të rëndë shëndetësore, të cilin po e transportojnë në spitalin e Korçës. Policia në vendin e ngjarjes për zbardhjen e rrethanave të aksidentit.
Njoftimi i policisë:
Më datë 29.06.2023, rreth orës 08:10, në aksin rrugor Korçë-Pogradec, në afërsi të fshatit Gurishtë, Maliq, shtetasi B. C., rreth 42 vjeç, duke drejtuar automjetin tip “BMW”, dyshohet se ka humbur kontrollin mbi drejtimin e tij dhe automjeti ka dalë nga rruga.
Për pasojë është dëmtuar drejtuesi shtetasi B. C., i cili pas ndihmës së marrë në spitalin e Korçës, do të transportohet në Tiranë për mjekim të specializuar.
Grupi hetimor po punon për përcaktimin e shkakut të daljes nga rruga.
