Filantropi Alex Soros dhe bashkëshortja e tij, Huma Abedin, ndodhen prej dy ditësh në jug të Shqipërisë, duke kaluar disa ditë pushimi në Dhërmi, pas dasmës së tyre në qershor.
Mbrëmjen e djeshme, çifti ka darkuar në një restorant luksoz të zonës në shoqërinë e kryeministrit Edi Rama. Një foto e shpërndarë në rrjetet sociale i tregon të ulur në të njëjtën tavolinë, në një atmosferë të qetë bregdetare.
Vizita e çiftit Soros-Abedin ka tërhequr vëmendjen, ndërsa ky është një tjetër rast kur personalitete të njohura ndërkombëtare zgjedhin bregdetin shqiptar për pushime verore.
