Ambasada amerikane ka përgëzuar Prokurorinë e Posaçme AntiKorrupsion për hetimin e nisur ndaj ish-prokurorit të përgjithshëm Adriatik Llalla dhe sekuestrimin e pasurive të tij.
Në një postim në Twitter, ambasadorja Yuri Kim u shpreh:
“SPAK po jep rezultate, duke përdorur Ligjin Anti-Mafia për të luftuar korrupsionin. Amerika vazhdon të mbështesë fuqimisht zbatimin e Reformës në Drejtësi, siç kërkohet nga populli shqiptar & në përputhje me statusin e Shqipërisë si Aleate e NATO-s dhe aspirante e BE-së.”
Bashkë me shkrimin, Yuri Kim ka shpërndarë dhe njoftimin e SPAK-ut ku lajmërohet se SPAK dhe Gjykata Speciale kanë vendosur sekuestrimin e pasurive të paluajtshme të ish-kryeprokurorit Llalla. Ish-kryeprokurori akuzohet për fshehje pasurie, shpërdorim detyre dhe pastrim parash.
SPAK is delivering results, using the Anti-Mafia Law to take the profit out of corruption. US continues to strongly support implementation of Justice Reform, as demanded by the Albanian people & in keeping with Albania’s status as NATO Ally & EU aspirant. https://t.co/VlPe3mCKYb
— Ambassador Yuri Kim (@USAmbAlbania) December 3, 2020
