Modelja shqiptare Angela Martini ka dorëzuar kërkesën për divorc nga bashkëshorti i saj, biznesmeni rumun Drago Savulescu, duke i dhënë fund një martese që zgjati shtatë vite. Dokumentet ligjore, të dorëzuara në Gjykatën e Los Angeles, përmendin “mospajtime të pajtueshme” si arsye për ndarjen.

Nga kjo martesë, çifti ka një djalë 3-vjeçar, Kyree Martini Savulescu, për të cilin Angela kërkon kujdestari të përbashkët ligjore dhe fizike. Ajo ka kërkuar gjithashtu pension bashkëshortor, duke theksuar se martesa ka filluar në dhjetor të vitit 2017.

Ndarja vjen si surprizë për ndjekësit, të cilët pak javë më parë panë çiftin duke shijuar pushime luksoze në Evropë dhe duke paralajmëruar një projekt filmik të bazuar në historinë e tyre të dashurisë.