Dr. Anthony Fauci në një deklaratë për mediat ai ka thënë se nëse vaksina do të provohet e sigurtë, vaksinimi do të fillojë në dhjetor për stafin mjekësor dhe për kategorinë e përsonave më të rrezikuar.

SHBA- Epidemiologu amerikan, Anthony Fauçi është shprehur se një vaksinë efikase mund të jetë gati në fillim të dhjetorit në SHBA. Në një deklaratë për mediat ai ka thënë se nëse vaksina do të provohet e sigurtë, vaksinimi do të fillojë në dhjetor për stafin mjekësor dhe për kategorinë e përsonave më të rrezikuar.Fauçi gjithashtu shtoi se vaksinimi në masë duhet të pres disa muaj. Nëse vaksina është e suksesshme dhe nëse respektohen të gjitha masat e vendosura për të parandaluar përhapjen e Covid-19 në tremujorin e tretë dhe të katërt do të jetë një normalitet i ri.

 “Mendoj se do të mësojmë nëse një vaksinë është e sigurt dhe efikase në fund të nëntorit ose në fillim të dhjetorit. Pyetja është, pasi e kemi një ose më shumë vaksina të sigurta, si do t’i çojmë tek njerëzit që kanë nevojë së më shpejt të jetë e mundur? Sasia e dozave që do të jenë të disponueshme në dhjetor nuk do të jetë e mjaftueshme. Do të kenë prioritet stafi mjekësor, apo ata që gjenden në kategorinë e personave më të rrezikuar. Të tjerë do të duhet të presin disa muaj të tjerë në 2021-shin. Ajo që unë parashikoj është që me një vaksinë të suksesshme dhe vazhdimin e një forme të masave të shëndetit publik, ndërsa shkojmë dhe përparojmë gjatë muajve të vitit 2021, duke arritur në tremujorin e tretë dhe të katërt, ne do të shohim një qasje të konsiderueshme drejt një forme të normalitetit”, tha Fauçi.

Që nga fillimi i pandemisë në të gjithë botën kanë rezultuar pozitiv me Covid-19, 43,146,329 ndërsa 1,156,973 kanë humbur jetën.