Dy vite pas kurorëzimit të dashurisë së tyre në martesë, Armina Mevlani dhe Shkëlzen Berisha janë vazhdimisht në qendër të vëmendjes mediatike. Së fundmi, Armina ishte e ftuar në një emision televiziv, ku ndër të tjera u pyet për situatën aktuale të kryetarit të Partisë Demokratike, Sali Berisha, i cili ndodhet nën arrest shtëpie.

Armina, si nusja e familjes Berisha, komentoi se ngjarja nuk është përjetuar mirë nga familja përtej aspektit politik, duke e cilësuar atë si të padrejtë në sytë e shumë njerëzve. Ajo shprehu shpresën se gjërat do të përmirësohen në të ardhmen.

“Sigurisht përtej çështjes politike, nuk është përjetuar mirë dhe është diçka jo e drejtë në këndvështrimin e shumë njerëzve, por edhe në realitet. Megjithatë, shpresojmë për më mirë në vazhdim,” tha Armina.

Kur gazetarja e pyeti nëse ka mundësi të takohet me Sali Berishën, Armina pohoi se janë në kontakt të vazhdueshëm dhe shtoi: “Unë kam kuptuar me kalimin e kohës, qoftë në familje apo në marrëdhënie, se gjithçka është shëndeti, dhe për sa kohë që njerëzit janë të shëndetshëm dhe të fortë, do të dalë drita e diellit, e sigurt që po.”