Influencerja e njohur Armina Mevlani ka reaguar pas zërave të shumtë që kanë qarkulluar në rrjete sociale për një shtatzëni të mundshme, pas vërejtjeve të ndjekësve mbi ndryshime në peshën e saj trupore.

Në një deklaratë të sinqertë, Mevlani mohoi kategorikisht të jetë shtatzënë, duke sqaruar se ndryshimet fizike janë rezultat i problemeve shëndetësore, dhe jo i një shtatzënie siç është aluduar.

“Mënyra se si komentohet në portale është e tmerrshme. Nëse do më ndodhte, nuk do ta thoja. Por pas këtyre reagimeve kam thënë që vërtet a duhet ta them.”

Ajo theksoi se ka krijuar një lloj imuniteti emocional ndaj komenteve, duke shtuar se me kalimin e kohës, përqendrimi i saj është zhvendosur nga opinioni publik te vetëmirëqenia.

“Unë se kam vrarë mendjen se çfarë do të thonin njerëzit. Vjen një moshë që s’të intereson se çfarë thonë, krijon imunitet.”

Me këtë reagim, Mevlani ka kërkuar të ndalojë spekulimet dhe të theksojë se komentet e nxituara për pamjen fizike mund të jenë të dëmshme, sidomos kur prekin aspekte personale dhe shëndetësore të individit.