Në përfundim të një hetimi, policia e Fanos në Itali ka arrestuar dy shtetas shqiptarë, të moshës 20 dhe 25 vjeç, të akuzuar për trafik droge. Aksioni u krye më 14 Shtator dhe, sipas njoftimit të Kuesturës së Pesaro dhe Urbino, të dy të rinjtë do të dalin para gjykatës javën e ardhshme për të përballuar akuzat.

Trafiku i paligjshëm i drogës ushtrohej kryesisht në zonën e Flamina, ndërsa policia nuk ka bërë publike identitetet e tyre. Autoritetet kanë vendosur masën e sigurisë për ndalim qëndrimi në provincën Pesaro dhe Urbino. Për 25-vjeçarin është propozuar edhe dëbimi nga Italia, një masë që tashmë është zbatuar në kufirin e Ankonës. Detaje të tjera mbi sasinë e drogës së sekuestruar nuk janë bërë të ditura.