Një 47-vjeçar, identifikuar me inicialet M.J., është arrestuar në Fier pasi përplasi për vdekje një të moshuar. Ngjarja ndodhi sot, kur 75-vjeçari I.B. u godit nga automjeti ndërsa kalonte rrugën. Si pasojë e përplasjes dhe dëmtimeve të rënda në kokë, ai ndërroi jetë gjatë rrugës për në spital.
Policia ka sqaruar se në njoftimin paraprak, gjeneralitetet dhe mosha e viktimës ishin të pasakta. Pas verifikimeve të kryera në morgun e Spitalit Fier, u konfirmua se viktima ishte I.B., 75 vjeç, dhe jo L.Ç., 81 vjeç.
Fier/Informacion shtesë
Specialistët e Qarkullimit Rrugor arrestuan në flagrancë shtetasin M. J., 47 vjeç, banues në Fier, pasi duke drejtuar automjetin ka përplasur këmbësorin, shtetasin I. B., 75 vjeç, i cili si pasojë e përplasjes dhe plagëve të marra, ka humbur jetën.
Sqarojmë se në njoftimin paraprak të dhënë më parë, gjeneralitetet dhe mosha e shtetasit që humbi jetën nuk ishin të sakta.
Pas verifikimeve të kryera në morgun e Spitalit Fier me ndihmën dhe të familjarëve, rezultoi se gjeneralitetet janë I.B., 75 vjeç dhe jo L.Ç., 81 vjeç.
Materialet procedurale i kaluan Prokurorisë për veprime të mëtejshme.
