Shërbimet e Policisë Kufitare të Qafë Thanës kapën dhe arrestuan përkohësisht Mondi Gitlan, 29 vjeç, banues në Veleshtë, Maqedonia e Veriut, i cili tentoi të dilte nga Republika e Shqipërisë ndërkohë që ishte i shpallur në kërkim ndërkombëtar nga autoritetet austriake.

Gitlan dyshohet për kryerjen e veprës penale “Trafikimi i narkotikëve”, dhe arrestimi i tij u bë si rezultat i kontrolleve dhe verifikimeve të imta në pikat kufitare, me qëllim parandalimin e lëvizjeve të paligjshme dhe kapjen e personave të kërkuar nga drejtësia.

Nga informacioni i shkëmbyer me Interpol Tiranën dhe partnerët në Austri, u konstatua se Gitlan ishte objekt i një urdhër-arresti ndërkombëtar. Procedurat për ekstradimin e tij drejt Austrisë janë duke u kryer në bashkëpunim me homologët ndërkombëtarë.