Një 47-vjeçar shqiptar është arrestuar në Spanjë, pasi akuzohet si organizator i vrasjes së dy personave në Vlorë. Burime zyrtare nga policia bënë me dije se pas hekurave ra Leonard Luzi. Ai akuzohet nga GjKKO-ja se rreth një vit më parë, në Vlorë, kishte organizuar vrasjen e dy shtetasve (krim i parandaluar si rezultat i ndërhyrjes së Policisë). Ai akuzohet se do të vriste Inez Hajrullën dhe Evis Matodashajn.

Njoftimi i Policisë

Policia e Shtetit, në bashkëpunim të ngushtë me homologët spanjollë, finalizoi një tjetër operacion policor ndërkombëtar. Si rezultat i operacionit të koduar “Rekrutuesi”, arrestohet në Spanjë një 47-vjeçar që akuzohet nga GjKKO-ja se rreth një vit më parë, në Vlorë, kishte organizuar vrasjen e dy shtetasve (krim i parandaluar si rezultat i ndërhyrjes së Policisë).

Në bazë të informacionit nga strukturat e Policisë së Shtetit dhe shkëmbimit të menjëhershëm të tij ndërmjet Interpol Tiranës dhe Interpol Madridit, në lidhje me vendndodhjen e një shtetasi të kërkuar ndërkombëtarisht, për sigurim kushtesh/mjetesh për të kryer vrasje, u finalizua operacioni policor i koduar “Rekrutuesi”.

Në kuadër të këtij operacioni, u arrestua në Spanjë shtetasi Leonard Luzi, 47 vjeç, i lindur në Vlorë. Gjykata e Posaçme e Shkallës së Parë për Korrupsionin dhe Krimin e Organizuar, më datë 05.02.2024, i ka caktuar këtij shtetasi masën e sigurisë “Arrest në burg”, për veprat penale “Sigurimi i kushteve dhe i mjeteve materiale për të kryer vrasje”, “Grupi i strukturuar kriminal”, “Kryerja e veprave penale nga organizata kriminale dhe grupi i strukturuar kriminal” dhe “Mbajtja pa leje dhe prodhimi i armëve shpërthyese dhe municionit”.

47-vjeçari akuzohet se më datë 08.08.2023, në bashkëpunim me të tjerë, kishte organizuar vrasjen e shtetasve Evis Matodashaj dhe Inez Hajrullën. Ky krim u parandalua nga Policia, pasi u arrestua shtetasi A. N., i cili