Pas tre fitoreve radhazi në kampionat, Real Madridi u ndal nga Athletic Bilbao, duke humbur 2-1 në “San Mames” në një ndeshje të vlefshme për javën e 19-të të La Ligës. Kjo sfidë u zhvillua më herët për shkak të angazhimeve të Realit në Superkupën e Spanjës që do të mbahet në janar në Arabinë Saudite.

Ndeshja nisi me intensitet, dhe në minutën e 14-të, VAR anuloi një gol të Kylian Mbappé për pozicion jashtë loje. Bilbao mori avantazhin në pjesën e dytë falë një goli nga Berenguar. Mbappé pati mundësinë të barazonte rezultatin në minutën e 68-të nga pika e bardhë, por gaboi për herë të dytë brenda një jave nga penalltia.

Real Madridi u rikthye përkohësisht në lojë falë një goli të Jude Bellingham në minutën e 78-të, duke vendosur ekuilibrat. Por vetëm dy minuta më vonë, Guruteza i dha Bilbaos golin e fitores, duke vulosur humbjen e Realit.

Kjo disfatë ndikon në përpjekjet e Real Madridit për të ruajtur pozitat në krye të tabelës, ndërsa Athletic Bilbao konfirmon formën e mirë në këtë sezon.