Policia e Fierit ka arrestuar një 61-vjeçar, Dashamir Muçaj, i shpallur në kërkim tre javë më parë në kuadër të operacionit “Peshtani”. Ai u kap në fshatin Peshtan Bregas, ku dyshohet se bashkëpunonte me djalin e tij, Joni (Ervin) Muçaj, 37 vjeç, për shitjen e lëndëve narkotike.
Sipas policisë, Joni Muçaj ishte arrestuar më herët, më 15 nëntor 2024, për të njëjtën çështje. Materialet procedurale lidhur me këtë rast i janë kaluar Prokurorisë për veprime të mëtejshme ligjore.
Ky operacion është pjesë e përpjekjeve të vazhdueshme për të luftuar aktivitetet kriminale që lidhen me trafikimin dhe shitjen e lëndëve narkotike në rajonin e Fierit.
