Balerini i njohur shqiptar, Eno Birko, ka tentuar të hedhë vetë nga kati i katërt i një pallati në Tiranë, sipas njoftimit të policisë. Ngjarja e rëndë ka ndodhur rreth orës 01:00 të mëngjesit të 3 dhjetorit 2024, në rrugën “Margarita Tutulani”. Balerini 50-vjeçar, i cili ka pasur një karrierë të suksesshme në Teatrin e Operas dhe Baletit, është hedhur nga lartësia dhe ka marrë dëmtime të rënda. Ai është dërguar në spital dhe aktualisht është nën kujdesin e mjekëve.
Policia njoftoi se është dyshuar për një tentativë vetëvrasjeje, por hetimet vazhdojnë për të sqaruar shkaqet e ngjarjes.
Balerini i njohur shqiptar, Eno Birko, përjetoi një periudhë të vështirë gjatë karrierës së tij, duke u larguar nga skena e Teatrit të Operas dhe Baletit për shkak të një problemi të rëndë shëndetësor. Ai iu nënshtrua një operacioni për hernie diskale, një periudhë që e konsideroi si një “ëndërr më të keqe” të jetës së tij, pasi ajo ishte shoqëruar me vështirësi të mëdha si depresioni dhe alkoolizmi.
Birko ka folur për këtë periudhë, duke shpjeguar se ky problem shëndetësor kishte filluar që në moshën 18-vjeçare, kur ai filloi të ndiente dhimbje të vazhdueshme në këmbë. Pavarësisht dhimbjes, ai e injoroi fillimisht, derisa gjendja e tij u përkeqësua. Mjekët i diagnostikuan hernie diskale dhe i këshilluan operacion, një hap që e mori pas shumë vitesh, duke e konsideruar fillimisht si një problem të zakonshëm.
“Ndodhi që unë lashë të zhvillohej një problem shëndetësor që e kisha aty prej vitesh, që 18 vjeç apo më herët. Ndieja vazhdimisht dhimbje në këmbë, por në kohët e para nuk i kushtoja rëndësi, derisa situata u përkeqësua. U vizitova dhe mjekët më thanë se kisha hernie diskale dhe se duhej t’i nënshtrohesha operacionit. Si fillim nuk e konsiderova kaq serioze këtë gjë, vazhdova baletin derisa sforcimi e dhimbja po ndiheshin gjithmonë e më shumë. Erdhi koha që vendosa të operohem dhe këtu nisi largimi që askush, as unë, nuk e menduam se do të zgjaste për aq shumë vite,” tha Eno Birko.
Pas operacionit dhe periudhës së rikuperimit, ai nuk arriti të rikthehej dot në skenë për shumë vite, duke përballuar gjithashtu probleme me shëndetin mendor dhe alkoolin, që e bënë këtë periudhë të jetës së tij shumë të vështirë.
