Kreu i grupit parlamentar i PS Taulant Balla ka akuzuar sot ish-kryeministrin Sali Berisha se SPAK ende nuk ka dhënë një përgjigje që rëndon mbi të në lidhje me privatizimin e 100 mijë euro pronë.

Balla i referohet kompleksit Partizani, ku tha se Sali Berisha dhe familja e tij kanë ndërtuar aty një pasuri prej 20 mln euro.

Balla: U shprehe Sali për SPAK-un. Ka të drejtë se SPAK-u ndaj teje nuk po vepron. Kuvendi në mars të 2017 ka miratuar një raport përfundimtar të një komisoni hetimor dhe me votë të Ilir Metës je kallëzuar për shpërdorim të rendë detyre, korrupsion nga Kuvendi i Shqipërisë dhe sot i bëj thirrje SPAK që ti kthejë përgjigjet se ku gjenden hetimet. Por edhe për kallëzimet për vjedhjen e mjediseve të kompleksit Partizani. Një prokurore e ka marrë ceshtjen por sot është në dorë të SPAK të tregojë ku janë hetimet. Për një prej pronave më të mëdha privatizimi i 100 mijë dollareve, ku keni ndertuar 20 mln euro pasuri.
Të thuash se mazhoranca kontrollon drejtësinë është më e gënjeshtërt se kurrë. Dje ka pasur një vendim nga GJK e cila natyrshem ka rrëzuar një vendim të kuvendit të iniciuar nga kjo mazhorancë. Nëse do kontrollonte reformën në drejtësi do kontollonte GJK dhe do ishte shkarkuar Meta. Gjykata nuk komentohet. Çohesh ti dhe na bën moral.